JÓN VÍDALÍN - ÆVISAGA OG RITSAFN

Details

JÓN VÍDALÍN - ÆVISAGA OG RITSAFN

Unavailable 14.450 kr

| /
Title
Select options
Á 300 ára ártíð Jóns Þorkelssonar Vídalíns árið 2020 stendur Þjóðkirkjan, í samvinnu við Skálholtsútgáfuna, að útgáfu veglegs tveggja binda verks um ævi og ritstörf biskupsins. Aðfaraorð að fyrra bindi skrifar forseti Íslands, Guðni Th. Jóhannesson og að...Read more

Á 300 ára ártíð Jóns Þorkelssonar Vídalíns árið 2020 stendur Þjóðkirkjan, í samvinnu við Skálholtsútgáfuna, að útgáfu veglegs tveggja binda verks um ævi og ritstörf biskupsins. Aðfaraorð að fyrra bindi skrifar forseti Íslands, Guðni Th. Jóhannesson og að seinna bindi, Agnes Sigurðardóttir, biskup Íslands.

Jón Þorkelsson Vídalín (1666–1720) var biskup í Skálholti um tveggja áratugaskeið
en lést langt fyrir aldur fram á leið sinni vestur að Staðastað þar sem hann hugðist mæla yfir moldum mágs síns.
Hann var tvímælalaust best menntaði guðfræðingur landsins á sinni tíð og raunar mun lengur.
Þekktastur er hann fyrir áhrif sín á kristnihald í landinu, einkum vegna Vídalínspostillu og annarra guðræknirita sem náðu mikilli útbreiðslu.

Jón hélt til náms við Kaupmannahafnarháskóla árið 1687 og lauk þaðan prófi í guðfræði og heimspeki.
Að loknu prófi gekk hann í danska herinn þangað til Þórður biskup Þorláksson í Skálholti kallaði hann
sér til aðstoðar árið 1691. Jón var settur aðstoðarbiskup 1697 en hið sama ár lést Þórður biskup og í árslok var Jóni veitt biskupsstaðan.

Biskupstíð Jóns var honum örðug um margt, einkum vegna yfirgangs veraldlegra embættismanna og deilna við þá.
Þessa sögu rekur dr. Torfi K. Stefánsson Hjaltalín skilmerkilega í ævisögunni og leitar víða fanga í heimildir.
Sem biskup var Jón í senn strangur og mildur en ljóst er af rannsókn bókarhöfundar að hann hefur ekki alltaf fengið að njóta sannmælis.

Jón hafði gott vald á fornmálunum, einkum latínu og grísku eins og lærðum mönnum sæmdi.
Hann þýddi sjálfur stóran hluta Nýja testamentisins úr frummálinu og samdi bæði bréf og ljóð á latínu.

Flest rit hans komu síðast út á 19. öld. Kristindómskverið kom reyndar út um miðja 18. öld, en
Miðvikudagspredikanir hans voru næstum jafnvinsælar og Vídalínspostilla en hafa á síðari árum gleymst að mestu.
Úr þessari gleymsku er reynt að bæta með útgáfu þessa ritsafns. Það sem hér kemur á prenti í fyrsta sinn eru
predikanir Jóns yfir Faðir vor, þýðing hans á Hebreabréfinu og skýringar hans við það, og að lokum mörg bréfa hans.